Guddoomiyaha Guddiga Madaxa Bannaan ee Doorashooyinka Qaranka iyo Soohdimaha (GMDQS), Mudane Cabdikariim Axmed Xasan, iyo wafdi uu hoggaaminayo ayaa maanta oo ay taariikhdu tahay 06 Abriil 2026, gaaray magaalada Baydhabo ee xarunta ku meel gaarka ah ee Dowlad goboleedka Koonfur Galbeed.
Guddoomiyaha iyo wafdigiisa waxaa garoonka diyaaradaha ee magaalada Baydhabo si diiran ugu soo dhaweeyey Xoghayaha Guud ee Guddiga, Mudane Xuseen Nuunow Cali, oo horay ugu sugnaa magaalada, iyo mas’uuliyiin kale oo ka tirsan maamulka deegaanka.
Ujeeddada Socdaalka Socdaalka Guddoomiye Cabdikariim Axmed Xasan ee magaalada Baydhabo ayaa salka ku haya dhowr qodob oo muhiim u ah hannaanka doorashooyinka dalka, kuwaas oo ay ka mid yihiin:
- Kormeerka Hawlaha: U kuur galka guud ee sida ay u socdaan hawlaha doorashooyinka ee ka curdunka ah deegaannada Dowlad goboleedka Koonfur Galbeed.
- Dardargelinta Qorshayaasha: Xaqiijinta iyo dardargelinta hirgelinta qorshayaasha farsamo ee guddiga u degsan.
- Diyaar garowga Doorashada: Qiimeynta hannaanka diyaar garowga doorashooyinka qaranka ee heer maamul goboleed.
Booqashadan ayaa qayb ka ah dadaallada Guddiga Doorashooyinka Qaranku ugu kuur galayo diyaar garowga doorashooyinka dalka, si loo hubiyo in hannaanku u dhaco si hufan oo waafaqsan jadwalka iyo shuruucda doorashada.
